PYNAKLU JURS

Ja muoki sīt vairuokus mezgleņus nu stričeišu, tod labi. Vari sevi palīlēt i uzslaveit, ka zyni vairuok, kai aizasīn kūrpis. Sovā laikā Pynaklu Jurs kūpā ar Juzefu Jākubu nu Reigys aizapyna da Amerikys. Pasadeve lelajam zalta druža vylynuojumam. Juosoka, ka romantiķi. Tī Juzefu Jākubs (Jacob Davis) izgudruojs jiuzys, kū niule pazeistom kai džinsus. Bet Pynaklu Jurs pīsaturiejs pi pragmatiskuokom lītom - kai varātum mudri i gudri sataiseit kopeju: kab tū var izdareit sevkurs cylvāks vysdažaiduokūs aizjimteibys apstuokļūs. Metode nav sarežģeita - izkuos car pynaklu sīteņu voi saudzeigi apleij kružkā. Garšoj vysleidza labi, kai pavasara augļu leits dzimtinē.